Ułady ŭstalavali miemaryjalnuju šyldu ŭ «Aršanskich Kurapatach» FOTA
Na pomniku-kamieni, jaki adznačaje miesca masavych rasstrełaŭ va ŭročyščy Kabylackaja hara pad Voršaj, źjaviłasia šylda sa słovami «Miesca pamiaci i smutku». Svajaki represavanych prasili, kab na šyldzie byŭ tekst «Pamiaci achviar palityčnych represij», ale ŭ Aršanskim rajvykankamie na heta nie pahadzilisia, piša Radyjo Svaboda.
Padčas abmierkavańnia ŭdzielniki inicyjatyvy «Kabylaki. Rasstralanyja ŭ Voršy» davodzili miascovym uładam, što nadpis varta zrabić na čatyroch movach: pa-biełarusku, pa-rasiejsku, pa-polsku i na iŭrycie — zvažajučy na toje, što siarod rasstralanych byli pieravažna biełarusy, rasiejcy, palaki dy habrei. Ale ŭ kančatkovym varyjancie polskuju movu zamianili na anhielskuju, patłumačyŭšy heta tym, što jana bolš pašyranaja.
Svajaki rasstralanych pad Voršaj ličać, što ŭstalavańnie šyldy — heta krok da pryznańnia faktu stalinskich represij. Choć padobnyja fakty ŭ sučasnaj Biełarusi najčaściej zamoŭčvajucca — hetak nie pryznanym uładami zastajecca miesca masavych rasstrełaŭ kala vioski Chajsy pad Viciebskam. Ale niekatorych aburaje «biezabličnaść» nadpisu, ź jakoha niemahčyma zrazumieć, pra jaki «smutak» i pra jakuju «pamiać» u im idzie havorka.