Kanstancinopal patłumačyŭ rašeńnie dać Ukrainie aŭtakiefaliju
Piatro Parašenka i patryjarch Kanstancinopalski Varfałamiej.
Kanstancinopalski patryjarchat abhruntavaŭ rašeńnie pradastavić Ukrainie aŭtakiefaliju. Jon apublikavaŭ 29-staronkavy tekst «Suśvietny tron i carkva Ukrainy — raskazvajuć dakumienty», u jakim pryvodziacca źviestki z archivaŭ, jakija dakazvajuć jaje niezaležnaść ad Maskoŭskaha patryjarchatu
Histaryčnaje daśledavańnie pravodziłasia pry padtrymcy adukacyjnaha fondu banka National Bank of Greece. U im śćviardžajecca, što Kanstancinopal nikoli nie pieradavaŭ Kijeŭskuju mitrapoliju, na asnovie jakoj paŭstała Ukrainskaja carkva, u kananičnuju terytoryju Maskoŭskaha patryjarchatu. Prava chiratonii (śviatarstva), zhodna z dakumientam, było pradastaŭlena Maskvie «pa finansavych pryčynach», «ź nieabchodnaści» i «nasiła časovy charaktar»
«Aficyjnyja dakumienty śviedčać ab tym, što Kanstancinopalskaja carkva nikoli nie hublała de-jure svaje kananičnyja pravy na carkvu Ukrainy … Takim čynam, Suśvietny patryjarch maje prava i abaviazak maciarynski kłopat pra carkvu Ukrainy ŭ kožnym vypadku, kali paličyć nieabchodnym», - tłumačycca ŭ tekście.