Stanisłaŭ Šuškievič: Ja pieranios infarkt na nahach, a ŭ lečkamisii heta nie zaŭvažyli
I paśla šaści dzion intensiŭnaj terapii ŭ RNPC «Kardyjałohija» palacieŭ u Kareju.
Fota Voli Aficeravaj
Były kiraŭnik Biełarusi Stanisłaŭ Šuškievič u intervju «Narodnaj voli» raspavioŭ, što pieranios infarkt na nahach.
«I tyja miedyki, u jakich ja naziraŭsia ŭ lečkamisii, jaho nie zaŭvažyli. Ale mnie pašancavała — ja trapiŭ da dobrych daktaroŭ u kardyjałahičny centr. I jany mianie intensiŭna lačyli. Adna kropielnica doŭžyłasia siem z pałovaj hadzin. Ujaŭlajecie, što heta takoje? Ja pryniaŭ šeść takich…».
«Kali ja pryjechaŭ u RNPC «Kardyjałohija» na kansultacyju, i doktar zirnuŭ na maju kardyjahramu, jon adrazu spytaŭ: kali vy pieranieśli infarkt? I heta było skazana tak, što ja zrabiŭ vysnovu, što luby durań, jaki pahladzić maju kardyjahramu, ubačyŭ by tam infarkt. Ale vyśvietliłasia, što daktary novaha šykoŭnaha dziaržaŭnaha miedycynskaha centra, dzie ja absłuhoŭvajusia, jaho nie zaŭvažyli…»
Stanisłaŭ Šuškievič kaža, što hetyja kropielnicy byli horšyja, čym pieralot z Maskvy ŭ Sieŭł, jaki doŭžyŭsia vosiem hadzin. U RNPC «Kardyjałohii» jaho pastavili na nohi za šeść sutak.
U Kareju jon palacieŭ paśla vychadu z balnicy. Tudy lotaje štohod na praciahu 26 hadoŭ na kanfierencyju pa abjadnańni Karei. Sioleta tam było šmat byłych prezidentaŭ, premjer-ministraŭ i staršyń Viarchoŭnych sudoŭ krain Jeŭropy i byłoha SND. Stanisłaŭ Šuškievič dadaje, što admoviŭsia ad inšych lekcyj u zamiežnych VNU, bo nie dazvalaje zdaroŭje.
Na pytańnie pra toje, jak na infarkt adreahavała jaho žonka, Stanisłaŭ Stanisłavavič skazaŭ, što jana kandydat fizika-matematyčnych navuk, ale apošnim časam užo i ŭ miedycynie stała niakiepska raźbiracca. «Kantraluje mianie bolš žorstka, čym samy strohi doktar! I prymušaje mianie vielmi mnohaje vykonvać. I ja nie supraciŭlajusia…» — pažartavaŭ Stanisłaŭ Šuškievič.