Milicyja miarkuje, što łozunh «Minsk biez narkotykaŭ» zmoža stać vizitoŭkaj stalicy
vy zhodnyja?
U Minsku płanujuć raspracavać antynarkatyčny słohan, kab jon staŭ jašče adnoj vizitnaj kartkaj stalicy.
Pra heta karespandentu ahienctva «Minsk-Naviny» paviedamiŭ načalnik upraŭleńnia pa narkakantroli i supraćdziejańni handlu ludźmi HUUS Minharvykankama Alaksandr Sazonaŭ.
Pa jaho słovach, raspracoŭvajecca śpiecyjalnaja kancepcyja dla baraćby z narkamanijaj na nastupny hod.
«Jość ideja stvaryć śpiecyjalny słohan, jaki ź ciaham času staŭ by vizitnaj kartkaj stalicy. Kab hości našaha horada havaryli nie tolki pra jaho čyściniu, ale i pra biaśpieku. Jak varyjant, «Minsk — čysty horad», «Minsk — žyvy», «Minsk biez narkotykaŭ».
Heta pavinny być takija słovy, jakija davali b zrazumieć, što narkotyki ŭ našaj stalicy niedasiahalnyja dla padletkaŭ i dziaciej. Papularyzavać słohan płanujecca praz roznyja haradskija i školnyja mierapryjemstvy, infarmacyjnuju drukavanuju pradukcyju, z dapamohaj roznych televizijnych pieradač, drukavanych i elektronnych ŚMI. Taksama chočam padklučyć błohieraŭ», — rastłumačyŭ Sazonaŭ.