Łukašenka: My bačym, jak z padačy Zachadu biezapielacyjna rujnujecca stvoranaja dziesiacihodździami sistema mižnarodnaha handlu
Alaksandr Łukašenka zaklikaje da adzinstva i sumiesnych dziejańniaŭ unutry SND na fonie razbureńnia isnujučaj sistemy mižnarodnaha handlu. Pra heta jon zajaviŭ siońnia ŭ Dušanbe na samicie Sadružnaści, piša BiełTA.
Kiraŭnik dziaržavy padkreśliŭ, što niaźmiennym pryjarytetam siabroŭstva Biełarusi ŭ SND zastajecca ŭmacavańnie ekanamičnaha supracoŭnictva. Pry hetym jon adznačyŭ, što suśvietnyja rynkavyja adnosiny ŭsio bolš hublajuć prykmiety cyvilizavanaha ŭzajemadziejańnia pamiž krainami. «My bačym, jak z padačy Zachadu biezapielacyjna, u adnabakovym paradku rujnujecca stvaranaja dziesiacihodździami sistema mižnarodnaha handlu. Vykarystańnie niepravavych miechanizmaŭ pieratvarajecca ŭ normu i stavić našy ekanomiki ŭ słaboje stanovišča», - skazaŭ biełaruski kiraŭnik.
«Tolki razam my zmožam paśpiachova supraćstajać hetym novym vyklikam. Z adnaho boku, my pavinny abjadnać namahańni dla sumiesnaj abarony intaresaŭ na hłabalnym rynku. Z druhoha - aktyvizavać uzajemny handal i inviestycyi, pašyrać pramysłovuju kaapieracyju. U cełym adkazać kansalidacyjaj i pavyšeńniem roli Sadružnaści jak rehijanalnaha hulca», - zajaviŭ Alaksandr Łukašenka.
Jon sa škadavańniem kanstatavaŭ, što ŭ bakoŭ u SND adsutničaje ahulnaje bačańnie i hienieralny płan raźvićcia Sadružnaści. Nie atrymałasia da kanca sfarmulavać tearetyčnuju madel i stvaryć praktyčnuju stratehiju ekanamičnaj intehracyi našych krain.