Ministr pryrody raspavioŭ, kolki nafty sioleta płanujuć zdabyć u Biełarusi
Fota Ivana Jaryvanoviča
U 2018 hodzie ŭ Biełarusi płanujuć zdabyć 1 miljon 670 tysiač ton nafty. Pra heta paviedamiŭ ministr pryrodnych resursaŭ i achovy navakolnaha asiarodździa Andrej Chudyk ŭ efiry telekanała STB.
- Asnoŭnym i hałoŭnym kirunkam pracy NPC pa hieałohii - heta, biezumoŭna, pošuk nafty, hazu i inšych karysnych vykapniaŭ, jakija zapatrabavanyja jak na ŭnutranym rynku, tak i na źniešnim. U 2017 hodzie my pryraśli na 5 tysiač ton pa zdabyčy nafty, hetaja ličba skłała 1 miljon 650 tysiač ton, — adznačyŭ kiraŭnik viedamstva. — My pastavili sabie zadaču: jak minimum pryrastać zapasami na ŭzroŭni zdabyčy.
Pavodle jaho słoŭ, u hetym hodzie «my pryraśli pa zapasach budaŭničych minierałaŭ, pitnoj vady i mnohich inšych napramkach».
U kancy minułaha hoda paviedamlałasia, što ŭ Biełarusi adkryty dva radoviščy nafty - Uschodnie-Makanavickaje i Zachodnie-Hiroŭskaje. Abodva radoviščy raźmieščany ŭ Rečyckim rajonie