U Minsku stali rabić pryščepki suprać hrypu čatyrochvalentnaj vakcynaj. Što heta takoje?
U stalicy možna pryščapicca suprać hrypu samaj sučasnaj ź isnujučych čatyrochvalentnaj vakcynaj, rekamiendavanaj Suśvietnaj arhanizacyjaj achovy zdaroŭja, paviedamiła na pres-kanfierencyi 1 kastryčnika namieśnik načalnika adździeła hihijeny, epidemijałohii i prafiłaktyki Minzdaroŭja Ina Karaban, paviedamlajuć «Minsk-Naviny».
- Havorka idzie pra vakcynu «Vaksihryp Tetra» (Francyja), — adznačyła I. Karaban. - Jana farmuje imunitet da dvuch štamaŭ virusa hrypu A (H1N1 i H3N2) i dvuch štamaŭ hrypu V (Viktoryja i Jamahata). Pavodle acenak ekśpiertaŭ SAAZ, heta samaja sučasnaja vakcyna suprać hrypu.
Košt pryščepki preparatam «Vaksihryp Tetra» u pryvatnych miedcentrach kala 25 rub., trochvalentnymi vakcynami «Vaksihryp» i «Influvak» - ad 15 da 20 rub