U harach Italii zahinuŭ viadomy biełaruski IT-pradprymalnik
30 vieraśnia padčas uzdymu ŭ harach Italii raźbiŭsia Andrej Bahamołaŭ, adziny indyvidualny pradprymalnik siarod rezidentaŭ PVT, paviedamlaje dev.by.
Andrej Bahamołaŭ akazvaŭ kompleksnyja pasłuhi ERP/BI on-demand dla małoha i siaredniaha biznesu (SME) pa madeli SaaS. U pryvatnaści, raźvivaŭ vobłačnuju płatformu ERPVault, jakaja dazvalaje kiravać klučavymi resursami pradpryjemstva.
Try hady tamu Andrej skončyŭ aśpiranturu pa śpiecyjalnaści Computer Science va Univiersitecie Trenta ŭ Italii.
U jakaści rezidenta PVT jon zarehistravaŭsia ŭ 2008 hodzie.
Andrej lubiŭ hory, zachaplaŭsia skałałažańniem i skajraninham. U svaim apošnim dopisie ŭ Facebook jon zaprašaŭ siabroŭ dałučycca da jaho na treniroŭcy ŭ minułyja vychodnyja.