Dziarždep ZŠA: Pieramovy pra abmien Siancova niemahčymyja
Siancoŭ haładaje 141 dzień, FSIN Rasii
Ruskaja słužba Bi-bi-si atrymała ad surazmoŭcy ŭ Dziarždepartamiencie ZŠA kamientar nakont viersii rasijskich ŚMI ab mahčymym abmienie źniavolenaha ŭkrainskaha režysiora Aleha Siancova na traich rasijanaŭ (Buta, Jarašenku i Bucina), jakija znachodziacca pad vartaj u ZŠA.
«Lubaja biessensoŭnaja sproba Rasii vykarystać niezakonnaje zatrymańnie hramadzianina Ukrainy ŭ jakaści bazy dla pieramovaŭ była b jašče adnym znakam taho, što Rasija ź niedastatkovaj pavahaj stavicca da pravoŭ čałavieka, suvierenitetu Ukrainy, i viaršenstva zakona», - havorycca ŭ zajavie surazmoŭcy karespandenta Ruskaj słužby bi- bi-si ŭ Dziarždepartamiencie.
«Siancoŭ byŭ aryštavany ŭ akupavanym Rasijaj ukrainskim rehijonie Krym. Jamu siłkom dali rasijskaje hramadzianstva, paśla čaho rasijski sud prysudziŭ jaho da 20 hadoŭ turmy», - havorycca ŭ zajavie Dziarždepartamienta dla Bi-bi-si.
«Vysunutyja suprać Siancova abvinavačvańni ŭ padrychtoŭcy teraktu nie abhruntavanyja i źjaŭlajucca cyničnaj pomstaj za jaho pazicyju z nahody rasijskaj akupacyi Krymu», - havorycca ŭ zajavie.