Milicyja znajšła naviedvalnika restarana, jaki zabraŭ z saboj knihu skarhaŭ. Jamu pahražaje 2 hady kałonii
Vyśvietlili asobu padazravanaha ŭ kradziažy 30 lipienia Knihi zaŭvah i prapanoŭ z restarana ŭ handlovym centry na vuł. Piatra Mścisłaŭca, paviedamili karespandentu ahienctva «Minsk-Naviny» ŭ Pieršamajskim RUUS.
— Im akazaŭsia 30-hadovy žychar Bresckaj vobłaści. Jak vyśvietliłasia, jon paprasiŭ rabotnikaŭ restarana chutkaha charčavańnia padzaradzić svoj mabilny telefon, a kali atrymaŭ admovu, zapatrabavaŭ knihu skarhaŭ. Tolki zaŭvahi ab rabocie ŭstanovy mužčyna pakidać nie staŭ, a zabraŭ knihu z saboj, — raspaviała aficyjny pradstaŭnik Pieršamajskaha RUUS Kaciaryna Dabravolskaja.
Pa dadzienym fakcie Pieršamajski (h. Minska) rajonny adździeł Śledčaha kamiteta raspačaŭ kryminalnuju spravu pa č. 1 art. 377 («Kradziež, źniščeńnie, paškodžańnie abo ŭtojvańnie dakumientaŭ, štampaŭ, piačatak, kradziež błankaŭ») KK Respubliki Biełaruś.