ŚMI: Rasija raźmiaściła ŭ Livii śpiecnaz i, mahčyma, S-300
Rasija ŭ apošnija miesiacy pierakidvała ŭ Liviju vajskovy kantynhient. Pra heta RBK raskazała krynica ŭ rasijskim Ministerstvie abarony.
Fota: mil.ru.
Havorka idzie ab niekalkich dziasiatkach elitnych padraździaleńniaŭ. Ich pierakidali va ŭschodniuju Liviju z padmaskoŭnych čaściej.
RBK taksama pieradaje słovy krynicy, blizkaj da livijskich uład, pra toje, što Rasija sapraŭdy viadzie vajennuju aktyŭnaść u rehijonie. Chaŭruśnikam Maskvy ŭ krainie źjaŭlajecca kiraŭnik Livijskaj nacyjanalnaj armii maršał Chalif Chaftar. Adznačajecca, što rasijskaja prysutnaść źviazana z naftahazavymi intaresami.
Raniej, 9 kastryčnika, brytanskija śpiecsłužby paviedamili premjer-ministru Vialikabrytanii Terezie Mej, što Rasija nakiroŭvaje ŭ Liviju vojski. Maskva «choča pieratvaryć Liviju ŭ novuju Siryju» i ŭziać pad kantrol najbujniejšy maršrut nielehalnaj mihracyi ŭ Jeŭropu.
Niekatoryja ŚMI paviedamlajuć, što, akramia śpiecnaza, u Livii raźmieščany supraćpavietranyja kompleksy S-300.