U Niamieččynie zatrymali padazravanaha pa spravie ab zabojstvie bałharskaj žurnalistki
U Niamieččynie zatrymany padazravany pa spravie ab zabojstvie bałharskaj žurnalistki Viktoryi Marynavaj, paviedamlajuć bałharskija ŚMI sa spasyłkaj na krynicy.
Padazravany - 21-hadovy žychar horada Rusie Sieviaryn Krasimiraŭ, paviedamlaje telekanał Nova. Jaho DNK supaŭ ź bijałahičnym materyjałam ź miesca złačynstva.
Pavodle niepaćvierdžanych źviestak, śledstva ličyć, što jon nie płanavaŭ zahadzia napad na Marynavu i ŭčyniŭ jaho spantanna.
30-hadovuju teležurnalistku Viktoryju Marynavu, što pisała pra karupcyjnyja złačynstvy, zhvałtavali i zabili 6 kastryčnika ŭ horadzie Rusie.
Pa spravie ab zabojstvie Marynavaj byŭ zatrymany hramadzianin Rumynii ŭkrainskaha pachodžańnia; paźniej jaho adpuścili.