«Biełavija» zapuskaje paloty ź Minska ŭ Kišynioŭ
«Biełavija» adkryła siońnia prodažy pa novym maršrucie Minsk —Kišynioŭ — Minsk, paviedamili BiełTA ŭ pres-słužbie avijakampanii.
Rehularnyja paloty ŭ Mižnarodny aeraport Kišynioŭ avijakampanija płanuje pačać 30 kastryčnika.
Rejsy ŭ stalicu Małdovy buduć piać razoŭ na tydzień. Vylety ź Minska — u 13.00 pa aŭtorkach, čaćviarhach i niadzielach, u 08.00 — pa paniadziełkach i piatnicach. Z Kišyniova samaloty buduć vylatać u 14.05 (pa aŭtorkach, čaćviarhach i niadzielach) i ŭ 09.05 pa paniadziełkach i piatnicach, a prybyvać u Nacyjanalny aeraport Minsk u 16.30 i 11.30 adpaviedna.
Čas u šlachu zojmie prykładna paŭtary hadziny. Košt palotu ŭ adzin bok — ad 83 jeŭra, ad 153 jeŭra — tudy-nazad. Płanujecca, što paloty buduć ažyćciaŭlacca na samalotach typu Embraer 175, umiaščalnaściu 64 pasažyry ekanom-kłas i 12 — biznes-kłasa.