NYT i Times: «Rasija i Kitaj prasłuchoŭvajuć iPhone Trampa». Kitaj: «Niachaj Tramp vykarystoŭvaje kitajskija telefony»

Rasija i Kitaj prasłuchoŭvajuć pryvatnyja telefonnyja razmovy Donalda Trampa, spadziejučysia atrymać infarmacyju, z dapamohaj jakoj možna było b upłyvać na palityku Vašynhtona, paviedamili amierykanskija ŚMI sa spasyłkaj na krynicy ŭ śpiecsłužbach ZŠA.

Fota: The Hill.

Pamočniki Tramp, jak pišuć New York Times i Times, nieadnarazova papiaredžvali jaho, što kitajskaja i rasijskaja raźviedki rehularna padsłuchoŭvajuć jaho razmovy, kali jon razmaŭlaje sa svaimi siabrami i davieranymi asobami pa nieabaronienych kanałach mabilnaj suviazi.

Adnak sam Tramp nazvaŭ heta fejkavymi navinami. Jon prakamientavaŭ heta ŭ svaim tvitary:

«U New York Times novaja fejkavaja historyja, što ciapier rasiejcy i kitajcy (ja rady, što jany narešcie dadali Kitaj) słuchajuć usie maje razmovy pa mabilnych telefonach. Tolki voś ja redka karystajusia mabilnym telefonam i kali ja heta rablu — heta uchvalenyja ŭradam telefony. Ja lublu abaronienyja linii. Prosta jašče bolš vydumanych fejkavych navinaŭ».

The New York Times has a new Fake Story that now the Russians and Chinese (glad they finally added China) are listening to all of my calls on cellphones. Except that I rarely use a cellphone, & when I do it's government authorized. I like Hard Lines. Just more made up Fake News!

— Donald J. Trump (@realDonaldTrump) 25 oktiabria 2018 h.

Pradstaŭnik MZS Kitaja Chua Čuńjin taksama nazvała iłžyvaj infarmacyju amierykanskich žurnalistaŭ pra prasłuchoŭvańnie telefonnych razmoŭ amierykanskaha prezidenta.

Jana zaŭvažyła, što taki artykuł NYT śviedčyć ab tym, što vydańnie publikuje fejkavyja naviny.

«Kali jość aściarohi z nahody taho, što mabilnyja telefony Apple prasłuchoŭvajucca, možna pierajści na telefony Huawei», — skazała Chua Čuńjin.

Kamientary da artykuła