Stała viadoma, adkul pryjechali kiroŭcy z rasijskimi numarami, jakija pabili minskaha maršrutčyka
U milicyi aficyjna paviedamili pra zatrymańnie kiroŭcaŭ Hyundai i Mercedes z rasijskimi numarami, jakija źbili kiroŭcu maršrutki ŭ Minsku. Imi akazalisia 42-hadovy žychar Staŭrapala i 46-hadovy žychar Baku.
Padčas zatrymańnia jany jechali pa trasie M1 u bok miažy.
Narad DAI zatrymaŭ i pieradaŭ mužčyn supracoŭnikam kryminalnaha vyšuku Centralnaha RUUS Minska i AMAPu.
Raspačata kryminalnaja sprava pa artykule «chulihanstva, ździejśnienaje hrupaj asob». Pryznačana ekśpiertyza.
Učora ŭ Minsku Hyundai i Mercedes z rasijskimi numarami zabłakavali maršrutku № 1077. Nieviadomyja ludzi vyciahnuli kiroŭcu maršrutki z sałona, adzin ź ich udaryŭ jaho pa tvary, druhi ŭ hety čas trymaŭ mužčynu.