Ministerstva pracy paprasiła Biełarusbank nie spahaniać kamisiju za pryjom płaciažoŭ najaŭnymi za sacyjalnyja pasłuhi
Ministerstva pracy i sacyjalnaj abarony źviarnułasia ŭ AAT «ASB Biełarusbank» z prośbaj nie brać kamisiju za pryjom płaciažoŭ najaŭnymi za niekatoryja sacyjalnyja pasłuhi. Pra heta zajaviŭ namieśnik ministra pracy i sacyjalnaj abarony Alaksandr Rumak, paviedamlaje BiełTA.
Kamisija 1 rubiel spahaniajecca za kožny płaciež u kasie banka, jaki robicca najaŭnymi abo z dapamohaj bankaŭskaj kartki. Adnak jość šmat vyklučeńniaŭ: biaspłatna praz kasu banka možna apłacić kamunalnyja pasłuhi i haradski telefon, zbory ŭ dziaržbiudžet, pieraličyć srodki na karyść hramadskich abjadnańniaŭ, na dabračynnyja rachunki i niekatoryja inšyja.