«Spadčyna», «Moj rodny kut», «Žuraŭli na Paleśsie laciać» — pieśni Łučanka, jakija mnohija ličać narodnymi VIDEA
Na 81-m hodzie žyćcia pamior kampazitar Ihar Łučanok.
fota oo-spb.by
«Spadčyna», «Moj rodny kut», «Žuraŭli na Paleśsie laciać» — pieśni, muzyku dla jakich stvaryŭ Ihar Łučanok, časta ŭsprymajucca jak narodnyja.
Ihar Łučanok naradziŭsia ŭ 1938 u Minsku ŭ siamji doktara, ale pražyŭ u stalicy ŭsiaho pieršyja try miesiacy žyćcia, paśla baćku pieraviali na pracu ŭ Marjinu Horku.
U Minsk siamja viarnułasia tolki paśla vajny, tut Łučanok vučyŭsia ŭ muzyčnaj škole pry Biełaruskaj dziaržaŭnaj kansiervatoryi, jaho pieršym instrumientam byli cymbały. U studenckija časy jaho nastaŭnikami ŭ kampazitarskim majsterstvie byli Anatol Bahatyroŭ i Cichan Chreńnikaŭ.
Łučanok 35 hadoŭ uznačalvaŭ Biełaruski sajuz kampazitaraŭ. «Mianie jašče Mašeraŭ pryznačyŭ», — kazaŭ jon.