Biełaruskija banki dasyłajuć klijentam listy z pastanovaj rasijskaha ŭrada. Navošta?
Niekalki čytačoŭ «Našaj Nivy» — klijentaŭ roznych bankaŭ — paviedamili, što im pryjšli listy z daviadzieńniem novaj pastanovy rasijskaha ŭrada.
Toj samaj, «Ab užytku ekanamičnych zachadaŭ u suviazi ź niesiabroŭskimi dziejańniami Ukrainy», jakaja praduhledžvaje sankcyi ŭ dačynieńni asobnych ukrainskich kampanij.
Skrynšot paviedamleńnia, jakoje pryjšło klijentu BSB-banka
Navošta heta viedać biełarusam?
Jak tłumačać u bankach, jany dasyłajuć paviedamleńni vyklučna dla infarmavańnia, bo ŭ źniešnieekanamičnych uhodach niekatorych biełaruskich kampanij mohuć być niekalki bakoŭ, u tym liku rasijskich i ŭkrainskich — mahčyma, akurat tych, chto trapiŭ pad sankcyi.
I tamu klijentam varta, maŭlaŭ, uličyć hetyja momanty ŭ płanavańni biznesu.