Cieła Achromienki nie mohuć vyvieźci z Polščy praz pamyłku ŭ pašparcie
Raźvitańnie z pamierłym Uładzisłavam Achromienkam adbudziecca ŭ Minsku nie raniej za piatnicu, 16 listapada.
Čytajcie: Na 54-m hodzie žyćcia pamior piśmieńnik Uładzisłaŭ Achromienka
Cieła piśmieńnika nie mohuć vyvieźci z Polščy praz pamyłku ŭ pašparcie. Pra heta «Našaj Nivie» raskazała dačka piśmieńnika Lizavieta Achromienka.
«Z-za taho, što ŭ pašparcie taty i mamy nie supadaje apošniaja litara, u nas vialikija prablemy. Dla polskaha boku jany — absalutna čužyja ludzi».
Zaraz siamja piśmieńnika vyrašaje hetuju prablemu, tamu pakul nieviadoma, kali kankretna adbudziecca raźvitańnie z Uładzisłavam Achromienkam.
«Raźvitańnie budzie ŭ Minsku, ale nie raniej za piatnicu ci subotu. Pachavajuć tatu na Zachodnich mohiłkach», — kaža Lizavieta Achromienka.