Va Ukrainie zatrymali padazravanaha ŭ zabojstvie aktyvistki Handziuk
Eks-pamočnika narodnaha deputata ad «Błoka Piatra Parašenki» Mikałaja Pałamarčuka Ihara Paŭłoŭskaha aryštavali pa spravie ab zabojstvie aktyvistki Kaciaryny Handziuk, paviedamiła ŭ tvitary pres-sakratarka hienprakurora Ukrainy Łarysa Sarhan.
Ihar Paŭłoŭski.
Jamu vystaŭlena abvinavačańnie pa artykułach ab saŭdziele ŭ zabojstvie Handziuk.
Deputat Pałamarčuk paćvierdziŭ, što zvolniŭ svajho pamočnika Ihara Paŭłoŭskaha, jakoha aktyvisty nazvali pasiarednikam u zabojstvie Handziuk.
Dniom 4 listapada stała viadoma pra śmierć aktyvistki, daradcy mera Chiersona Kaciaryny Handziuk, jakuju 31 lipienia ablili kancentravanaj siernaj kisłatoj.
Śledstva padazraje ŭ ździajśnieńni napadu na aktyvistku piaciarych byłych udzielnikaŭ Antyterarystyčnaj apieracyi na Danbasie.