Navalnamu zabaranili vyjezd z Rasii
Fota ź Vikipiedyi
Apazicyjanier raspavioŭ, što ab zabaronie vyjazdžać za miažu jamu paviedamili pamiežniki ŭ aeraporcie. Pavodle jaho słoŭ, jany patłumačyli, što jość niejki list z zabaronaj, ale nie skazali, z čym jon źviazany.
Alaksiej Navalny paviedamiŭ, što jamu zabaranili pakidać terytoryju Rasii. Pra heta palityk napisaŭ u svaim akaŭncie ŭ tvitary.
Navalny raspavioŭ, što pavinien byŭ vylecieć u Jeŭropu na abviaščeńnie rašeńnia suda pa jahonaj spravie, ale ŭ čas prachodžańnia pahrankantrolu ŭ jaho zabrali pašpart, patłumačyŭšy heta nieabchodnaściu pravieści «śpiecyjalnyja pravieračnyja mierapryjemstvy».
«Pasadzili mianie za čyrvonuju viarovačku ŭ kampanii inšych asabliva niebiaśpiečnych», — napisaŭ apazicyjanier. Paźniej jon paviedamiŭ, što, pa słovach pamiežnikaŭ, jamu zakryty vyjezd z Rasii.
«Jość niejki list, što vyjazdžać zabaroniena, ale tłumačeńniaŭ čamu — niama», — adznačyŭ Navalny.