Lidarku Mjanmy pazbavili najvyšejšaj uznaharody Amnesty International, bo jana nie padtrymała zackavanych musulman
Fota ź Vikipiedyi
Mižnarodnaja pravaabarončaja arhanizacyja Amnesty International pazbaviła dziaržaŭnuju daradcu Mjanmy Aun San Su Čžy svajoj najvyšejšaj uznaharody «Pasłaniec sumleńnia». Ab hetym paviedamlajecca na sajcie arhanizacyi.
Hienieralny sakratar Amnesty International Kumi Najdu zajaviŭ, što Aun San Su Čžy «nie vykarystoŭvała svoj palityčny i maralny aŭtarytet», kab spynić hienacyd musulman-rachindža, jaki sankcyjanavała vajskovaje kiraŭnictva Mjanmy.
Hramadzianski ŭrad Mjanmy nie kantraluje vajskoŭcaŭ. Ale, jak piša Amnesty International, administracyja Aun San Su Čžy raspalvała nianaviść da rachindža, admaŭlała abvinavačvańni ŭ ich hienacydzie i pieraškadžała mižnarodnamu rasśledavańniu parušeńniaŭ.
Aun San Su Čžy atrymała ŭznaharodu «Pasłaniec sumleńnia» u 2009 hodzie.