Jak vyhladaje budynak Viarchoŭnaha suda kala Pałaca niezaležnaści FOTY
Novy budynak Viarchoŭnaha suda ŭzvodziać na vulicy Arłoŭskaj kala Pałaca niezaležnaści. Zvonku zbudavańnie vizualna vyhladaje amal hatovym, a voś interjery dla hramadskaści ciapier niedastupnyja. U redakcyi Tut.by apynulisia fota znutry.
Jak bačym, u faje hałoŭnaha ŭvachodu pastavili statuju Fiemidy, ściana ŭpryhožana šklanymi vitražami, na stoli visiać niekalki žyrandolaŭ. Miarkujučy pa fatahrafijach, zastałosia tolki likvidavać małyja niedarobki i raspakavać meblu.
Taksama ciapier u budynku pracuje ŭžo značna mienš ludziej. Vizualna pracy zastałosia na niekalki miesiacaŭ.
Z uładkavańniem abjekta źviazany i šerah niatannych zakupak. Naprykład, hierb i nadpis «VIARCHOŬNY SUD Respubliki Biełaruś» dla fasada kaštujuć bolš za 112 tys dalaraŭ. Taksama ŭ zavoda «Kaskad» dla choła hałoŭnaha ŭvachodu zakupili kryštalnuju žyrandolu indyvidualnaha vyrabu amal za 90 tysiač dołaraŭ. Znajšlisia siarod tendaraŭ zakupki na pastaŭku mastackich vyrabaŭ bolš čym za 800 tysiač dalaraŭ i ŭładkavańnie fantana z aśviatleńniem amal za 300 tysiač dalaraŭ.