Kanfiskavany «Bentli» biznesmiena Vitala Arbuzava pradajuć za $150 tysiač FOTA
U 2017 hodzie viadomy biznesmien Vital Arbuzaŭ i jašče 11 čałaviek byli zatrymanyja. Abvinavačańni dla biełaruskaha biznesa standartnyja: niaspłata padatkaŭ, kradziež praz złoŭžyvańnie słužbovymi paŭnamoctvami. Arbuzaŭ — kiraŭnik hrupy kampanij Fenox, jakaja vałodała kramami «Prestan», handlavała aŭtazapčastkami, inviestavała ŭ nieruchomaść.
Praz hod Arbuzaŭ i inšyja zatrymanyja (akramia adnaho) vyjšli na volu. Ale na majomaść i rachunki byŭ nakładzieny aryšt. U tym liku i na aŭtamabili. A niadaŭna žurnalisty partału abw.by zaŭvažyli šykoŭny arbuzaŭski «Bentli Brukłands»na rasprodažy kanfiskavanych mašyn.
Mašynie 10 hadoŭ, prabieh dla takoha ŭzrostu zusim nievialiki, usiaho 63 tysiačy kiłamietraŭ. Koler — fijaletavy. Usiaho było vypuščana tolki 550 takich aŭtamabilaŭ.
Aceńvajuć aŭto ŭ 300 tysiač biełaruskich rubloŭ. Niadaŭna cana składała 315 tysiač, ale achvotnych nie znajšłosia, i mašynu pieraacanili.