Miescaachoŭnikam patryjaršaha pasadu abrany mitrapalit Smalenski Kiryła
Alaksija II pachavajuć nasuprać Sierhija.
Miescaachoŭnikam patryjaršaha prastołu abrany mitrapalit Smalenski Kiryła.
Patryjarcha Maskoŭskaha i ŭsiaje Rusi Alaksija II pachavajuć u prydziele Dabravieščańnia Praśviatoj Baharodzicy Bahajaŭlenskaha (Jełachaŭskoha) kafiedralnaha sabora Maskvy 9 śniežnia, paviedamiŭ RIA Novosti paśla pasiadžeńnia rabočaj hrupy pa pachavańni člen hrupy, kiraŭnik pres‑słužby Maskoŭskaj patryjarchii śviatar Uładzimir Vihilanski.
«Tak rasparadziŭsia patryjarch jašče pry žyćci», — skazaŭ ajciec Uładzimir.
Pasiadžeńnie rabočaj hrupy pa pachavańni Alaksija II u patryjaršaj rabočaj rezidencyi ŭ Čystym zavułku ŭ Maskvie pravioŭ 6 śniežnia kiraŭnik spravami Maskoŭskaj patryjarchii mitrapalit Kałužski i Baroŭski Klimient.
15‑y patryriach Rasiejskaj pravasłaŭnaj carkvy z asablivaj luboŭ staviŭsia da Jełachaŭskoha kafiedralnaha sabora, dzie znachodziacca moščy jaho niabiesnaha zastupnika mitrapalita Maskoŭskaha Alaksija, jaki ŭznačalvaŭ Rasiejskuju carkvu ŭ XIV stahodździ, zaznačaje RIA Novosti.
Adpiavańnie patryjarcha adbudziecca 9 śniežnia ŭ chramie Chrysta Zbaŭcy, kudy trunu ź ciełam Najśviaciejšaha pryviazuć z zaharadnaj patryjaršaj rezidencyi ŭ Pieradziełkina viečaram 6 śniežnia. Adpiavańnie ŭznačalić miescaachoŭnik patryjaršaha prastołu. Ź miescaachoŭnikam buduć słužyć archijarei RPC, a taksama pradstajacieli i pradstaŭniki pamiesnych pravasłaŭnych cerkvaŭ śvietu.Alaksij II budzie pachavany ŭ pravym, Dabravieščanskim prydziele chrama — nasuprać usypalni patryjarcha Sierhija.
Paśla adpiavańnia trunu ź ciełam spačyłaha patryjarcha abniasuć vakoł chrama Chrysta Zbaŭcy ŭ adpaviednaści z carkoŭnaj tradycyjaj, a zatym na katafałku pieraviazuć da miesca apošniaha spačynu — u Bahajaŭlenski sabor.