«Raśsielhasnahlad» zabrakavaŭ miasa i syr 11 biełaruskich vytvorcaŭ
«Raśsielhasnahlad» maje novyja pretenzii da 11 biełaruskich vytvorcaŭ miasa, kaŭbasaŭ i syroŭ. Jak paviedamlaje sajt viedamstva, u suviazi z vyjaŭlenymi paŭtornymi parušeńniami ad 24 listapada časova abmiažoŭvajecca ŭvoz u Rasiju pradukcyi čatyroch pradpryjemstvaŭ:
- «Biełaviežskija dalikatesy» — kakcydyjastatyki ŭ kaŭbasnych vyrabach ź miasa ptuški;
- «Viciebskaja brojlernaja fabryka» — kakcydyjastatyki ŭ miasie ptuški;
- «Ptuškafabryka «Družba» — kakcydyjastatyki i tetracyklin u miasie ptuški;
- «Słucki miasakambinat» — tetracyklin u jałavičynie.
Taksama «Raśsielhasnahlad» uvodzić uzmocnieny łabaratorny kantrol u dačynieńni pradukcyi nastupnych pradpryjemstvaŭ:
- ahrakambinat «Dziaržynski» — pieravyšeńnie KMAFAnM u miasie ptuški;
- kambinat «Biełaviežski» — chinoły ŭ kaŭbasnych vyrabach, tetracyklin u jałavičynie;
- «Biarozaŭski syrarobčy kambinat» — chłoramfienikoł u syry;
- «Dziatłaŭski syrarobčy zavod» — pieravyšeńnie masy natamicinu na adzinku płoščy pavierchni syru;
- «Miasakambinat Pastaŭski» — kišečnaja pałačka i pieravyšeńnie KMAFAnM u jałavičynie, tetracyklin u jałavičynie;
- «Pinski miasakambinat» — tetracyklin u jałavičynie;
- «Słonimski miasakambinat» — vyjaŭleńnie u kansiervach jałavičyny DNK, nie zajaŭlenaj na markiroŭcy.