U Minsku taksist dapamoh zatrymać chłopca, jaki źbiraŭ pa horadzie zakładki-narkotyki
Usio adbyłosia ranicaj u Pieršamajskim rajonie stalicy. U milicyju źviarnuŭsia taksist, jaki skazaŭ, što vaziŭ padazronaha pasažyra, paviedamlaje pres-słužba staličnaj milicyi.
Mužčyna vonkava nahadaŭ kiroŭcu narkamana, jaki jeździŭ pa niekalkich adrasach. Taksist patelefanavaŭ u milicyju i paviedamiŭ nastupny adras, na jaki mieŭsia pavieźci pasažyra. Supracoŭniki narkakantrolu nieadkładna vyjechali pa ŭkazanym adrasie. Padazrony mužčyna byŭ zatrymany kala doma pa vuł. Kalinina. Pry sabie ŭ jaho było znojdziena i kanfiskavana spresavanaje rečyva karyčnievaha koleru i biełaje paraškapadobnaje rečyva.
Ekśpiertyza vyjaviła, što rečyva karyčnievaha koleru źjaŭlajecca niebiaśpiečnym narkatyčnym srodkam — hašyš, a paraškapadobnaje rečyva źmiaščaje ŭ svaim składzie asabliva niebiaśpiečnaje psichatropnaje rečyva amfietamin (fienamin).
Zatrymany — 26-hadovy minčuk, jaki pracuje arhanizataram kancertaŭ u adnym sa staličnych kłubaŭ. Jon rastłumačyŭ, što nabyŭ zabaronienyja rečyvy praź internet-kramu, a potym zabiraŭ ich u zakładkach. Raniej mužčyna ŭžo pryciahvaŭsia da kryminalnaj adkaznaści za niezakonny abarot narkotykaŭ.