U Homieli troje padletkaŭ skrali mašynu i ŭrezalisia ŭ płot. Sprabavali źbiehčy, ale ich vydali ślady na śniezie
U niadzielu ŭnačy troje homielskich padletkaŭ skrali aŭtamabil, urezalisia ŭ płot, paśla čaho źnikli. Adnak na ŭciokach jany byli nie z pustymi rukami — z saboj chłopcy prychapili akumulatar.
Kala 3-jaj hadziny miascovyja žychary patelefanavali ŭ DAI: «Žyhuli» ŭrezalisia ŭ płot. Adnak kiroŭcy na miescy DTZ ekipaž DAI nie znajšoŭ. Zatoje raźbitaje škło i skručanyja pravady zapalvańnia naviali na dumku pra kradziež mašyny. Vidavočca razhladzieŭ u mašynie troch čałaviek, a taksama pabačyŭ, što chłopcy źniali akumulatar z mašyny i pabiehli.
Złodziejaŭ vydali ślady na śniezie. Pieršaha złamyśnika złavili adrazu, krychu paźniej zatrymali i astatnich. Imi akazalisia chłopcy 16, 17 i 18 hadoŭ.
Raspačali kryminalnuju spravu.