Za kantrabandu bolš za 20 kiłahramaŭ hašyšu praź biełaruskuju miažu rasijanin atrymaŭ 14 hadoŭ kałonii
26 listapada ŭ Breście 31-hadovaha rasijanina asudzili za niezakonnaje pieramiaščeńnie praź miažu 23,5 kiłahrama hašyšu, paviedamlaje pres-słužba abłasnoha suda.
Mužčyna schavaŭ kantrabandu za abšyŭkaj mašyny i pasprabavaŭ zajechać z Polščy ŭ Biełaruś praz punkt propusku. Supracoŭniki mytni znajšli narkotyk i zatrymali pieravozčyka.
Sud pryznaŭ rasijanina vinavatym i pryznačyŭ jamu 14 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści.
Prysud nie ŭstupiŭ u zakonnuju siłu i moža być abskardžany i apratestavany ŭ apielacyjnym paradku.