Łukašenka abmierkavaŭ z Huceryjevym realizacyju ŭ Biełarusi prajekta «Słaŭkalija»
Alaksandr Łukašenka 4 śniežnia pravioŭ rabočuju sustreču z rasijskim biźniesmienam, staršynioj rady dyrektaraŭ ZTAA «Słaŭkalij» Michaiłam Huceryjevym, paviedamlaje BiełTA.
Kiraŭnik dziaržavy cikaviŭsia, jak iduć raboty z realizacyjaj prajekta «Słaŭkalija» pa budaŭnictvie ŭ Biełarusi novaha horna-abahačalnaha kambinata. Pry hetym kiraŭnik krainy padkreśliŭ važnaść šyrokaha pryciahnieńnia biełaruskich śpiecyjalistaŭ da stvareńnia pradpryjemstva i padrychtoŭki pierśpiektyŭnych kadraŭ, niahledziačy na ŭdzieł zamiežnych padradčykaŭ.
«Jany pryvieźli technałohii - heta dobra. Heta ŭsio zastajecca tut u Biełarusi. Heta značyć, mnie treba ŭziać ad ciabie dobrych śpiecyjalistaŭ, kab jany zastalisia ŭ Biełarusi i technałohii», - adznačyŭ Alaksandr Łukašenka.