Žychar Hrodna chacieŭ razbahacieć, a straciŭ 11 tysiač dalaraŭ
U pačatku vosieni 43-hadovy hrodzieniec staŭ atrymlivać praź internet prapanovy ad kampanii Super binary ab zarobku z vykarystańniem binarnych apcyjonaŭ, paviedamlaje SK u svaim telehram-kanale..
Pieršapačatkova admaŭlaŭsia, adnak pradstaŭniki kampanii pierakanali jaho, paabiacaŭšy padvajeńnie ŭkładzienych srodkaŭ. Usiaho mužčyna pieraličyŭ bolš za 11 tysiač dalaraŭ ZŠA. Dla hetaha ŭziaŭ kredyty ŭ bankach i zakłaŭ aŭtamabil.
Pra toje, što staŭ achviaraj złačynstva, mužčyna vyjaviŭ paśla sproby vyvieści 20 tysiač dalaraŭ, što nibyta znachodzilisia na jaho rachunku. Za hetuju apieracyju ź jaho zapatrabavali pieraličeńnia jašče niekalkich tysiač dalaraŭ, a paśla admovy vykanać patrabavańnie pierastali vychodzić na suviaź.
Śledčyja ŭstanavili, što paciarpieły pieraličvaŭ svaje hrašovyja srodki ŭ Čechiju. Pry hetym da pieravodu hrošaj nie aznajomiŭsia z najaŭnaj u internecie infarmacyjaj, pra toje, što Super binary źjaŭlajecca ašukanskim prajektam. Jaho achviarami stali hramadzianie mnohich krain śvietu.