Deputat Šaŭcoŭ: Niedapuščalna, što miedyki vystaŭlajuć u sacsietki fota z pjanych viečarynak
Dźmitryj Šaŭcoŭ. Fota «Minsk-Naviny».
U sacyjalnych sietkach miedyki nie majuć prava dzialicca fota i videa miedycynskich manipulacyj z pacyjentami.
Deputat Pałaty pradstaŭnikoŭ, staršynia Biełaruskaj asacyjacyi daktaroŭ Dźmitryj Šaŭcoŭ ličyć niedapuščalnym, kab miedrabotniki ŭ sacsietkach raźmiaščali fota z pjanych viečarynak.
Takoje mierkavańnie jon vykazaŭ siońnia žurnalistam, pieradaje BIEŁTA.
U sacyjalnych sietkach urač z dazvołu kiraŭnictva moža padzialicca, naprykład, fatahrafijami novaha abstalavańnia. Ale vykładvać na ŭsieahulny ahlad fota i videa miedycynskich manipulacyj z pacyjentam jon prava nie maje. «Heta składaje častku miedyčnaj tajamnicy i kateharyčna zabaroniena», — padkreśliŭ Dźmitryj Šaŭcoŭ, udakładniŭšy, što dzialicca padobnymi fota i videa miedyki mohuć tolki z kalehami — u prafiesijnych metach.
«Asabistyja fota i videa — sprava kožnaha. Jość svaboda samavyjaŭleńnia. Kali doktar ličyć, što moža vykłaści, naprykład, fota ŭ kupalniku, to što tut takoha?» — praciahnuŭ jon.
Inšaje pytańnie, kali miedyk fatahrafujecca ŭ niećviarozym stanie na viečarynie. «Lekar ŭ stanie ałkaholnaha apjanieńnia abo z cyharetaj — heta nie ŭkładajecca ŭ pazicyi zdarovaha ładu žyćcia, jakija miedyk danosić pacyjentu», — pierakanany parłamientaryj.