Daišnikam u nastupnym hodzie vydaduć płanšety
Dziaržaŭtainśpiektaraŭ Homielskaj vobłaści u 2019 hodzie pačnuć ekipiravać płanšetami, paviedamiŭ siońnia žurnalistam, adkazvajučy na pytańnie karespandenta BIEŁTA, načalnik upraŭleńnia DAI UUS Homielskaha abłvykankama Andrej Harkuša.
Pa słovach načalnika UDAI, praca z płanšetam dazvolić pravaachoŭnikam apieratyŭna afarmlać pratakoły ab DTZ, unosić pravaparušeńni ŭ bazu źviestak.
Taksama pry nieabchodnaści dziaržaŭtainśpiektary zmohuć chutka vyśvietlić asobu parušalnika albo prynaležnaść aŭtamabila, vyznačyć, ci znachodzicca mašyna ŭ vyšuku, atrymać inšuju nieabchodnuju infarmacyju. Andrej Harkuša adznačyŭ, što novaŭviadzieńni płanujuć ukaranić pa ŭsioj krainie.
Taksama načalnik UDAI raspavioŭ, što ŭ rehijonie ŭ testavym režymie arhanizujuć videanazirańnie dla vyjaŭleńnia parušeńniaŭ prajezdu pierakryžavańniaŭ. Zvyšdakładnyja kamiery źjaviacca pakul u abłasnym centry na samych ažyŭlenych skryžavańniach. Pa statystycy, u biahučym hodzie parušeńnie prajezdu piešachodnych pierachodaŭ i skryžavańniaŭ — u liku najbolš raspaŭsiudžanych pryčyn avaryj u rehijonie (za 11 miesiacaŭ 71 i 43 DTZ adpaviedna).