Na zavodzie šaścierań u Minsku abarvaŭsia tros z hruzam: zahinuŭ rabočy
4 śniežnia ŭ adnym z cechaŭ Minskaha zavoda šaścierniaŭ abarvaŭsia tros ź ciažkim hruzam. Traŭmy atrymaŭ rabočy, paźniej jon pamior u balnicy. Pra heta paviedamlaje Tut.by.
Nadzvyčajnaje zdareńnie adbyłosia ŭ ramontna-miechaničnym cechu. Ź ciažkimi traŭmami rabočaha pavieźli ŭ balnicu, dzie jon pamior.
«U chodzie vykanańnia rabot łopnuŭ tros mastavoha krana, jaki rabiŭ pierasoŭvańnie kryški presa masaj 3,8 ton. Hruz upaŭ na nahu rabočamu, jon atrymaŭ ciažkija traŭmy», — udakładnili ŭ Minskim haradskim upraŭleńni MNS.
Na zavodzie paćvierdzili: «Tak, biada takaja adbyłasia. Siońnia jaho pachavali, supracoŭniku było 58 hadoŭ».