Eks-čynoŭniku FIFA abiacali chabar pry hałasavańni za krainu-haspadyniu ČS-2018. Hrošaj jon tak i nie atrymaŭ
Były čynoŭnik FIFA Rafael Salhiera, asudžany za karupcyju, raspavioŭ pra chabary, jakija jamu prapanoŭvali pierad hałasavańniem za krainu-haspadyniu ČS-2018, paviedamlaje tribuna.com.
Hałasavańnie prachodziła ŭ 2010 hodzie. Akramia Rasii, na praviadzieńnie turniru pretendavali Anhlija, a taksama sumiesnyja zajaŭki Hałandyi ź Bielhijaj i Partuhalii ź Ispanijaj.
Hvatemalec raspavioŭ u sudzie, što jamu prapanoŭvali sotni tysiač dalaraŭ za patrebny hołas. Salhiera niekalki razoŭ sustrakaŭsia ź nienazvanym čałaviekam dla abmierkavańnia podkupu. Chabar čynoŭniku pavinien byŭ pieradać najaŭnymi čałaviek ź Italii.
Salhiera raspavioŭ, što prahałasavaŭ, jak jamu kazali, ale chabaru jon tak i nie atrymaŭ. Čałaviek, jaki pavinien byŭ pieradać jamu hrošy, nie adkazvaŭ na zvanki.