Błumbierh moža pradać Błumbierh
Infarmacyjna-analityčnaje ahienctva Bloomberg moža być pradadziena, kali jaho zasnavalnik i ŭładalnik — miljarder i były mer Ńju-Jorka Majkł Błumbierh — vyrašyć bałatavacca na pasadu prezidenta ZŠA. Pra heta jon raspavioŭ u intervju Radio Iowa.
Fota flickr.com
Pa słovach Błumbierha, jon jašče nie pryniaŭ kančatkovaha rašeńnia ab udziele ŭ prezidenckich vybarach. Ale kali heta zdarycca, budzie bałatavacca ad Demakratyčnaj partyi.
U hetym vypadku biznesmen pradaść ahienctva abo pieradaść jaho ŭ daviernaje kiravańnie — ślapy trast. Pry hetym Błumbierh nie vyklučyŭ, što pazbavicca ad aktyvu ŭ lubym vypadku: «Ja dumaju, u maim uzroście, kali prodaž budzie mahčymy, ja b zrabiŭ heta. Rana ci pozna my ŭsio roŭna pamrom, tak što lepš ažyćciavić prodaž da taho, jak heta zdarycca «.
Ahienctva Bloomberg było stvorana ŭ 1981 hodzie. 30% inviestycyj zabiaśpiečyŭ inviestycyjny bank Merrill Lynch, dolu jakoha ŭ dalejšym vykupiŭ Błumbierh. Ciapier jamu naležyć 88 pracentaŭ vydańnia.