U Minsku pabudujuć rekordna vialiki dziciačy sadok — ažno na 350 miescaŭ
Ustanovu daškolnaj adukacyi na 350 miescaŭ płanujuć uźvieści ŭ Frunzienskim rajonie. Takich vialikich dziciačych sadkoŭ u stalicy raniej nie budavali. Padrabiaznaści «Minsk-Navinam» paviedamili va ŭpraŭleńni pa adukacyi administracyi Frunzienskaha rajona.
— Budzie raspracavana prajektna-kaštarysnaja dakumientacyja na stvareńnie takoha abjekta ŭ miežach vulic Šaranhoviča — Hareckaha — Rafijeva. Što charakterna, pieršapačatkova jaho płanavałasia budavać dla 290 vychavancaŭ. Adnak pryniata rašeńnie raspracavać novy prajekt, kab pavialičyć płanavuju mahutnaść da 350 miescaŭ. Takija vialikija daškolnyja ŭstanovy ŭ Minsku raniej nie budavali.
Akramia taho, inviestycyjnaj prahramaj Minska na 2019 h. praduhledžana zbudavańnie dziciačaha sadka na 230 miescaŭ u mikrarajonie Masiukoŭščyna-5. U našym rajonie płošča terytoryi, vydzielenaja pad budaŭnictva dadzienaha daškolnaj ustanovy, padychodzić dla sadu z takoj prajektnaj mahutnaściu. Rajonnaja administracyja taksama źbirajecca ŭnosić prapanovy ab uklučeńni ŭ inviestrahramu da 2025 hoda ŭźviadzieńnie jašče 6 dziciačych sadkoŭ, — rastłumačyli va ŭpraŭleńni.