«Ty była sioleta charošaj dziaŭčynkaj?» Kali nie, da ciabie pryjdzie drenny Santa Pavieł Arakielan VIDEA
Šoŭmen, saksafanist, udzielnik hurta «Krambambula» Pavieł Arakielan źniaŭ videarolik, jakim zaprašaje zamović navahodniuju prahramu ź jaho ŭdziełam.
Na videa Pavieł źlizvaje viarški sa Śniahurki, pje viski i raskidvaje hrošy.
Admietnaściu 20-25-chvilinnaj šou-prahramy budzie toje, što Pavieł i jaho Śniahuračka zavitajuć u takich ža ŭborach, jak pradstaŭlenyja na videa.
Pra heta «Našaj Nivie» raskazaŭ administratar Paŭła:
«Dadatkovyja funkcyi, naprykład, kali vy pažadajecie, kab Pavieł źlizaŭ z vas viarški, abhavorvajucca indyvidualna. U košt prahramy ŭvachodzić muzyčnaje šou Santy, Śniahurki i Śniehavika. Ale hety vystup raźličany bolš na karparatyvy».
Kaštuje vinšavańnie ad drennaha Santy ad 1000 da 1800 rubloŭ u zaležnaści ad času i dnia vystupleńnia.