Miensk. Kavałhin i Šakal
chronika apazicyi
Za raspaŭsiud niezaležnuju hazietu «Novy Čas» zatrymanyja aktyvisty Abjadnanaj hramadzianskaj partyi Źmicier Kavałhin i Kaciaryna Šakal.
Aktyvistaŭ zatrymali ŭ budynku vykankamu Leninskaha rajona Mienska, niahledziačy na toje, što hazieta zarehistravana ŭ Ministerstvie infarmacyi.
Jak paviedamiŭ pres‑słužbie BAŽ staršynia vykankamu AHP Ihar Šynkaryk, zatrymańnie maładych ludziej adbyłosia ź inicyjatyvy kiraŭnika spravami vykankamu Uładzimira Licieckaha.
«Mienavita jon vyklikaŭ milicyju, ale supracoŭniki pravaachoŭnych orhanaŭ, daviedaŭšysia, što hazieta vydajecca lehalna, navat admovilisia jechać u vykankam», — skazaŭ Ihar Šynkaryk.
Nahadajem, niadaŭna za raspaŭsiud haziety «Novy Čas» u Astravieckim rajvykankamie Haradzienskaj vobłaści zatrymali i skłali pratakoł na Ivana Kruka — viadomaha demakratyčnaha aktyvista, adnaho z arhanizataraŭ supracivu pabudovy AES na Astravieččynie. Supracoŭniki rajvykankama skłali akt «ab niezakonnym raspaŭsiudzie» haziety i pryhrazili nakiravać dakumient u Astravieckuju rajonnuju prakuraturu dla pravierki dziejańniaŭ Ivana Kruka.