Padsunuŭ siabru koła z marychuanaj
Haradzienskija mytniki pierakryli kanał pastaŭki narkotykaŭ.
Haradzienskija mytniki pierakryli kanał pastaŭki narkotykaŭ.
Jak paviedamlaje pres‑słužba Dziaržaŭnaha mytnaha kamiteta, rasśledavańnie hetaj spravy pačałosia 11 śniežnia, kali ŭ punkcie propusku «Bruzhi» pry praviadzieńni apieracyj mytnaha kantrolu było kanfiskavana bolš jak adzin kiłahram marychuany. Narkatyčnaje rečyva znachodziłasia ŭ kole, jakoje pieravoziŭ u svaim aŭtamabili 20‑hadovy hramadzianin Biełarusi. Supracoŭniki Hrodzienskaj rehijanalnaj mytni źviarnuli ŭvahu, što aŭtamabilnaje koła nie adpaviadaje transpartnamu srodku, na jakim jechaŭ hramadzianin. Pry nadhladzie z vykarystańniem renthien‑kompleksu było ŭstanoŭlena, što ŭ pustoj prastory znachodzilisia try pakiety, abmatanyja klejkaj stužkaj z rečyvam raślinnaha pachodžańnia ciomna‑zialonaha koleru, jak mierkavałasia — marychuanaj.
Pry apytańni zatrymanaha vyśvietliłasia, što pra pabočnyja ŭkładańni jamu ničoha nie viadoma, koła paprasiŭ pryvieźci ŭ Biełaruś za ŭznaharodžańnie znajomy, žychar Hrodna. Aprača taho, adno koła było ŭvieziena raniej, dva zastalisia ŭ Polščy i čakali svajoj dastaŭki ŭ Biełaruś.
Dziakujučy apieratyŭnym dziejańniam mytnikaŭ u hety ž dzień było kanfiskavanaje raniej uviezienaje koła, a ŭ im jašče 1,2 kh marychuany. U dalejšym, pavodle infarmacyi biełaruskich kaleh, supracoŭniki polskaj mytnaj słužby znajšli jašče dva koły z układzienymi ŭ ich pakietami z marychuanaj, a taksama 100 błokaŭ cyharet z rasijskimi akcyznymi markami.
Pry ŭzajemadziejańni z supracoŭnikami Upraŭleńnia KDB pa Hrodzienskaj vobłaści byŭ zatrymany žychar Hrodna, arhanizatar pieravozki.
Pa fakcie niezakonnaha pieramiaščeńnia praź miažu narkatyčnych srodkaŭ Hrodzienskaj rehijanalnaj mytni raspačatyja dźvie kryminalnyja spravy.