200 000 par vačej
Vyniki sacyjałahičnaha apytańnia: 2% nasielnictva Biełarusi hladzić «Biełsat».
Dyrektarka «Biełsatu» Ahnieška Ramašeŭskaja reža tort
z nahody pieršaj hadaviny kanału.
Vyniki sacyjałahičnaha apytańnia: 2% nasielnictva Biełarusi hladzić «Biełsat».
10 śniežnia «Biełsat» adśviatkavaŭ svaju pieršuju hadavinu ŭ teleefiry. Narešcie, źjaviłasia vartaja davieru infarmacyja pra kolkaść hledačoŭ telekanału. Na zamovu «Biełsatu» sacyjałahičnaje daśledvańnie jaho aŭdytoryi pravioŭ adzin ź niezaležnych biełaruskich instytutaŭ, apytaŭšy z dapamohaj ankietaŭ 3000 asobaŭ. Akazałasia, u Biełarusi «Biełsat» hladziać kala 200 000 čałaviek. Z hetaha vynikaje, što
aŭdytoryja «Biełsatu» pa kolkaści prykładna roŭnaja ci pieravyšaje aŭdytoryi takich telekanałaŭ, jak «RTR Płanieta», «Mir», «NTV Mir», «MTV» (Rasija), «8 kanał», «BiełmuzTV», «TVC», «Pieršy muzyčny kanał».«200 tysiačaŭ hledačoŭ — heta pazityŭnaja dla nas infarmacyja, — zajaviŭ Alaksiej Dzikavicki, kiraŭnik infarmacyjnaj pieradačy «Abjektyŭ», prezentujučy vyniki. — Varta pamiatać, što «Biełsat» tolki na praciahu čatyroch miesiacaŭ viaščaje taksama praz najpapularniejšy ŭ Biełarusi spadarožnik — Siryus».
Z tych, chto bačyŭ prahramy «Biełsatu», 68,4% jany, u cełym, spadabalisia, i tolki 11,9% imi zbolšaha niezadavolenyja. Najbolš hledačoŭ (64,5%) prahladajuć telenaviny, 59% cikaviacca filmami, 47,7% addajuć pieravahu muzyčnym pieradačam, a 44,4% hladziać najpierš dakumentalnyja filmy. U siarednim hladač «Biełsatu» pryśviačaje telekanału 2,3 hadziny na tydzień. U paraŭnańni z aŭdytoryjaj dziaržaŭnaha biełaruskaha telebačańnia, aŭdytoryja «Biełsatu» maładziejšaja, maje lepšy adukacyjny ŭzrovień. Cikava, što siarod hledačoŭ «Biełsatu» značna bolš mužčynaŭ za žančynaŭ. Mabyć, u budučyni «mužčynski» adsotak jašče bolš padvysicca: u dzień pieršych narodzinaŭ telekanału ŭ efiry pačali vychodzić i spartovyja naviny.