U rejtynhu FIFA Biełaruś źlacieła na 20 miescaŭ
I ciapier zajmaje 84-ty radok. Što značyć prajhrać Kipru.
Za miesiac, što prajšoŭ z minułaha rejtynhu, Biełaruś straciła ažno 20 pazicyj i ciapier zajmaje 84-je miesca (420 punktaŭ). Adhuknułasia paraza ŭ matčy ad Kipra (1:2), što prajšoŭ 19 listapada na padzielenym na dźvie niaroŭnyja častki vostravie.
Na 82-m miescy bratniaja Livija, Isłandyja ź jaje hiejzierami i kryzisam - 83-ja.
84-je miesca taksama zajmaje Katar, śledam za Biełaruśsiu iduć futbolnyja zbornyja Toha i Novaj Ziełandyi.
Dziesiatka najlepšych: Hišpanija, Niamieččyna, Niderłandy, Italija, Brazilija, Arhientyna, Charvatyja, Anhlija (hetyja dźvie zbornyja – našy supierniki pa adboračnaj hrupie da čempijanatu śvietu – 2010), Rasija, Turcyja.
Što da inšych supiernikaŭ pa adboračnym turniry: Ukraina – 15-ja, Kazachstan – 137-y, Andora – 194-ja.
Viartajučysia da zbornaj Biełarusi. Šče ŭ pačatku vieraśnia - čatyry miesiacy zapar - my byli na 57-m miescy. Najlepšaje naša dasiahnieńnie, jak kažuć, usich časoŭ i narodaŭ.
8 kastryčnika, z kastryčnickim rejtynham, pačałosia lohkaje padzieńnie (59-je miesca), u listapadzie my apuścilisia na 64-je.