Vy kali-niebudź bačyli Dzieda Maroza i Śniahurku na traktary «Biełarus»?
Pabačycie na Božaje naradžeńnie ŭ Minsku.
Navahodnija prahramy projduć u noč na 1 studzienia va ŭsich rajonach Minska na tradycyjnych dla hetych mierapryjemstvaŭ placoŭkach,paviedamiŭ na pres‑kanfierencyi 17 śniežnia načalnik adździeła pa spravach mastactvaŭ upraŭleńnia Minharvykankama Uładzimir Ancipovič.
Pavodle jaho słoŭ, ahulnaharadskoje šaścihadzinnaje navahodniaje šou projdzie na płoščy kala Nacyjanalnaj biblijateki, dzie budzie zmanciravany vialiki sceničny kompleks. Na śviacie vystupiać praktyčna ŭsie zorki biełaruskaj estrady.
Tam ža 1 studzienia, u pieršaj pałovie dnia, projdzie prahrama dla dziaciej, a ŭviečary — tancavalnaja prahrama dla moładzi.
Akramia hetaha, paviedamiŭ U.Ancipovič, u Minsku projdzie
šeście Dziadoŭ Marozaŭ i Śniahurak.
Jano pačniecca 25 śniežnia ŭ 11.00 kala Pałaca sportu na praśpiekcie Pieramožcaŭ. «Sioleta my adyšli ad tradycyi zaprašać pa 100‑200 Dziadoŭ Marozaŭ i Śniahurak ad kožnaha rajona horada, ich budzie ŭsiaho 20 par ad rajona, — paviedamiŭ U.Ancipovič. —
Płanujecca, što hałoŭnyja Dzied Maroz i Śniahurka prajeduć pa maršrucie šeścia na traktary «Biełarus», jaki źjaŭlajecca simvałam našaj krainy».
Akramia hetaha matacyklisty praviazuć vialiki «zimovy ściah», jaki, pavodle słoŭ čynoŭnika, «abjadnaje dziaržaŭnuju i haradskuju simvoliku».
Šeście projdzie pa maršrucie:
praśpiekt Pieramožcaŭ — płošča Svabody — praśpiekt Niezaležnaści — Kastryčnickaja płoščai zavieršycca navahodnim śpiektaklem‑kazkaj «z vykarystańniem elemientaŭ lalečnaha śpiektakla».
Na 25 śniežnia na Kastryčnickaj płoščy zapłanavany estradny kancert i ŭračystaje ŭklučeńnie iluminacyi hałoŭnaj staličnaj jołki. U hety dzień na płoščy taksama buduć razhornutyja handlovyja rady navahodniaha kirmašu.
26 śniežnia ŭ Pałacy sportu adbudziecca pakaz «Hałoŭnaja jołka krainy». Z 3 pa 6 studzienia hetaje šou zmohuć naviedać dzieci z usich rajonaŭ horada.
Pavodle słoŭ pradstaŭnika Minharvykankama, u noč na 1 studzienia z 1.30 da 1.50 kala steły « Minsk — horad‑hieroj» adbudziecca navahodni fiejervierk. U.Ancipovič zaznačyŭ, što ŭ miescach masavych mierapryjemstvaŭ buduć uzmocnienyja miery biaśpieki, na fiejervierku budzie praduhledžana zona ačapleńnia i nadhlad.