Šumčanku apraŭdali
Mienskija milicyjanty abvinavačvali pradprymalnickaha lidera ŭ kradziažy butelki vocatu z univiermahu «Brest»,adnak sudździa Alena Šalko paličyła padazreńni suprać staršyni abjadnańnia «Pierśpiektyva» pamyłkovymi.
Nahadajem, što Anatola Šumčanku abvinavačvali ŭ drobnym kradziažy — 5 śniežnia praz poštu jon atrymaŭ pozvu ŭ sud na razhlad spravy pa artykule 10.5 «Kodeksu ab administracyjnych pravaparušeńniach». Jak vyśvietliłasia u časie papiarednich słuchańniaŭ, 17 listapada suprać pradprymalnickaha lidera ŭ milicyi byŭ składzieny administracyjny pratakoł, adnak samaje cikavaje, što samoha lidera «Pierśpiektyvy» ŭ hety dzień navat nie zatrymlivali.
‑ Śviedki, jakija byli vyklikanyja siońnia ŭ sud, padćvierdzili, što sapraŭdy 17 listapada supracoŭniki milicyi zatrymlivali absalutna inšaha čałavieka,jaki nie pa jakich pryznakach nie byŭ padobny na mianie, ale prosta pradstaviŭsia maim imiom.
Admietna, što ŭ časie sudovaha pracesu supracoŭniki apornaha punktu achovy paradku padćvierdzili, što ŭ suviazi ź vielmi błahim techničnym zabieśpiačeńniem pastarunkaŭ, u milicyi sapraŭdy isnuje praktyka składać administracyjnyja pratakoły pavodle tych dadzienych, jakija nazyvajuć sami zatrymanyja.