Kupicie pałac
Usiaho za $5,9 młn.
Pałac, što vystaŭleny na prodaž, byŭ zbudavany słynnym architektaram Džuzepe Saka.
Usiaho za $5,9 młn.
Aŭkcyjon pa prodažy pałacava-parkavaha kompleksu ŭ Śviacku Hrodzienskaha rajonu, jaki znachodzicca ŭ śpisie pomnikaŭ respublikanskaha značeńnia, 9 śniežnia nie adbyŭsia, bo nie było padadziena zajavak na ŭdzieł. Čarhovy aŭkcyjon adbudziecca 19 śniežnia. Startavaja cana kompleksu źnižanaja na 20% i składaje ciapier 13 młrd rubloŭ ($5,9 młn). Kali ŭ najbližejšyja tarhi nie znojdziecca achvočych nabyć šykoŭny pałac Vałovičaŭ za taki košt, jaho skarociać jašče na 50%. U vypadku, kali pradać pałac nie ŭdasca, to jaho los vyrašyć ułaśnik — Hrodzienski rajvykankam. Adzin z mahčymych varyjantaŭ, jaki razhladaje ŭłaśnik, — pieradača pałacu Nacbanku.
Pałac u styli baroka zbudavaŭ italjanski architektar Džuzepie Saka, jaki źjaŭlajecca aŭtaram inšych budynkaŭ, stvoranych u susiedniaj Horadni ŭ časy apošniaha karala Rečy Paspalitaj Stanisłava Aŭhusta Paniatoŭskaha.
Za palakami tut była stvoranaja narkałahičnaja lakarnia, adzinaja na toj čas u Polščy. Da 2005 hodu tut mieściłasia suchotnaja lakarnia. Apošnija try hady pałac pustuje i pastupova razburajecca.