Time abraŭ Baraka Abamu Čałaviekam 2008 hodu
Amierykanski časopis Time nazvaŭ abranaha prezidenta ZŠA Baraka Abamu svaim čałaviekam hodu.
Jak paviedamlaje redakcyja, vybar paŭ na Abamu praź jaho ambityja płany na budučyniu ŭ zmročny čas hłabalnaha kryzisu.
Abama, darečy, źjaŭlaŭsia na vokładcy Time 15 razoŭ za apošnija dva hady.
Jaho supiernikami na tytuł Čałaviek hodu byli kandydat ad respublikancaŭ u vice‑prezidenty ZŠA Sara Pejlin i prezident Francyi Nikala Sarkazi.
Letaś čałaviekam hodu Time nazvaŭ tahačasnaha prezidenta Rasii Uładzimira Pucina.
Tradycyja abirać Čałavieka hodu naradziłasia ŭ 1927 h. u suviazi z tym, što zapoŭnić staronki časopisa ŭ biedny na padziei pieradkaladny tydzień dosyć ciažka.
Tytuł Čałaviek hodu Time u rozny čas atrymlivali Franklin Ruźvielt (trojčy), Adolf Hitler, Iosif Stalin (dvojčy), Mikita Chruščoŭ, Lech Valensa, Bił Klintan.
Aproč vydatnych asobaŭ, Time adznačaŭ pakaleńnie maładziej za 25 hadoŭ, kampjuter i płanietu Ziamla.
U 2005 h. tytuł padzialili aktyŭny zmahar z halečaj, lider U2 Bona i zasnavalnik Microsoft Bił Hiejts.