Chłopčyk ŭ Brytanii nie jeŭ zvyčajnaj ježy z-za redkaha zachvorvańnia kišečnika
Šaścihadovy Džud Kerynhtan (Jude Carrington) z anhlijskaha hrafstva Chartfordšyr nikoli nie jeŭ zvyčajnaj ježy z-za redkaha zachvorvańnia kišečnika. Ab hetym piša vydańnie Daily Mail.
Pa słovach maci chłopčyka Džo Kerynhtan (Jo Carrington), prablemy ź jaho zdaroŭjem pačalisia, kali małomu było ŭsiaho čatyry miesiacy. Tady jon pačaŭ nie prymać małako, a paśla pryjomu ježy pakutavaŭ ad młosnaści i dyjarei. Va ŭzroście 10 miesiacaŭ jon kančatkova pierastaŭ jeści, što pryviało da straty prytomnaści.
33-hadovaja Kerynhtan z mužam Styvam advieźli Džuda ŭ dziciačuju balnicu dla zdačy analizaŭ. Lekary praviali šerah abśledavańniaŭ, paśla čaho vyjavili ŭ chłopčyka vostraje zapaleńnie kišečnika i pastavili dyjahnaz «eazinafilny kalit».
«My byccam znoŭ zaviali niemaŭla: karmili jaho z butelečki i ŭvieś čas mianiali padhuźniki. I tak na praciahu piaci hadoŭ, — raspaviadaje žančyna. — Kožny raz, kali jon sprabuje źjeści niešta nakštałt rysu, bulby ci kurycy, u jaho ciele adbyvajecca alerhičnaja reakcyja«.
Na dadzieny momant juny Kerynhtan maje patrebu ŭ apieracyi, praviadzieńnie jakoj mahčyma tolki ŭ Amierycy. Siamja źbiraje nieabchodnuju sumu ŭ pamiery 50 tysiač funtaŭ sterlinhaŭ, kab vykanać hałoŭnuju maru dziciaci — pakaštavać tort.