Łukašenka: Usie prasunutyja krainy admaŭlajucca ad płastyku
president.gov.by
Pra heta jon zajaviŭ siońnia na sustrečy z navukovymi i navukova-piedahahičnymi rabotnikami, piša BiełTA.
«Heta vielmi važnaja prablema dla Biełarusi. Pa druhasnaj syravinie i adkidach», — skazaŭ jon.
Jon pryvioŭ prykład, što ŭ šerahu dziaržaŭ usia škłatara ŭ asnoŭnym vyrablajecca z druhasnaj syraviny. «A ŭ nas? My, bačycie, bahatyja. My prosta raschlabanyja i razbeščanyja, jak kažuć u Biełarusi», — padkreśliŭ biełaruski kiraŭnik.
Łukašenka zajaviŭ, što Administracyi prezidenta daručana ŭziać na žorstki kantrol adpaviednyja pytańni. «Adkidy, makułatura, mietaličnyja vyraby roznaha rodu, asablivaha płastyk — heta treba ŭsio źbirać. Usiudy pavinien być paradak», — adznačyŭ jon.
Jon dadaŭ, što ŭ Biełarusi lubyja napoi ŭ bolšaści svajoj pradajucca ŭ płastykavaj tary. Łukašenka taksama spasłaŭsia na praviedzienaje ŭ Rasii daśledavańnie, što bolšaść śmierciaŭ u svajoj asnovie źviazanyja ź niajakasnym charčavańniem.
«Užo prasunutyja krainy, jakija chvarejuć za svaich hramadzian, admaŭlajucca ad płastyku. Ja niadaŭna daručyŭ prybrać płastykavyja butelki i taru na pieršym etapie i zamianić škłom. Tym bolš što ŭ nas raźvitaja hetaja śfiera pramysłovaści. Heta nieadkładna treba realizoŭvać», — reziumavaŭ kiraŭnik dziaržavy.