U Aŭstralii piton, jaki schavaŭsia va ŭnitazie, ukusiŭ žančynu FOTA
Jasmin Zeleny
Žycharku Aŭstralii, 59-hadovuju Chielen Ryčards ukusiŭ dyvanovy piton, jaki zabraŭsia va ŭnitaz. Incydent adbyŭsia, kali žančyna, što była ŭ svajakoŭ u Bryśbienie, pajšła ŭ prybiralniu, piša Bi-bi-si.
Chielen Ryčards raspaviała miascovym žurnalistam, što «adčuła rezki ŭdar», kali sieła na ŭnitaz.
«Ja prosta padskočyła, azirnułasia i ŭbačyła niešta padobnaje na čarapachu z doŭhaj šyjaj, što paŭzie nazad va ŭnitaz», — raspaviała jana.
Kab dastać paŭtaramietrovaha dyvanovaha pitona, pryjšłosia vyklikać prafiesijnaha łaŭca źmiej.
Łaŭčycha Jaźmin Zieleny raspaviała, što źmiei časta chavajucca ŭ prybiralniach, kali šukajuć dla siabie vadu ŭ haračaje nadvorje.
Pa słovach Zieleny, niehłybokija kołatyja rany Ryčards byli apracavanyja antysieptykam, samoha ž pitona Zieleny nazvała biaskryŭdnym.
«Na žal, najbolš zručny dla źmiai vychad byŭ zabłakavany, kali Chielen sieła na ŭnitaz, i žyvioła spałochałasia», — skazała łaviec źmiej u intervju Bi-bi-si.
«Kali ja dabrałasia da miesca zdareńnia, Chielen užo supakoiłasia. U hetaj situacyi jana paviała siabie jak hieroj».
Dyvanovyja pitony šyroka raspaŭsiudžanyja uzdoŭž uschodniaha ŭźbiarežža Aŭstralii. Jany nie atrutnyja, ale paśla ich ukusaŭ rekamiendujuć rabić pryščepku ad słupniaku.
U Aŭstralii zaraz leta, užo dva tydni staić mocnaja śpioka. Tempieratura pavietra dasiahaje 47 hradusaŭ Celsija.