Łukašenka raspavioŭ pra svoj elektramatacykł
Alaksandr Łukašenka patrabuje bolš aktyŭna ŭkaraniać u Biełarusi elektratranspart i ŭ cełym pašyrać śfieru vykarystańnia elektryčnaj enierhii.
Pra heta jon zajaviŭ siońnia na sustrečy z navukovymi i navukova-piedahahičnymi rabotnikami, piša BiełTA.
«Davajcie my zabiaśpiečym ułasnaje nasielnictva - stvorym enierhaefiektyŭnyja bytavyja plity i prybory, i ceny kab byli padjomnyja. Choć by na ŭzroŭni pryrodnaha hazu dla nasielnictva. Zamiest salarki i bienzinu zamienim na elektramabili. I takaja była pastaŭlena zadača Akademii navuk, - padkreśliŭ Alaksandr Łukašenka. - Vy ŭ hetym hodzie vykanajcie hetuju zadaču, pačynajučy ad elektraviełasipiedaŭ i zakančvajučy traktaram, MAZam na elektryčnaj ciazie? Kab svajo było».
Jon raspavioŭ, što jon i sam karystajecca, naprykład, elektramatacykłam, praŭda, pakul u asnoŭnym z kitajskich kamplektujučych: «Toje, što vy z Kitaja pryvieźli, zrabili tam elektramatacykł i mnie pryvieźli dla vyprabavańniaŭ, heta dobra. Pastajanna pieramiaščajusia dzie tolki možna na hetym elektryčnym matacykle. Štuka vydatnaja. Ale heta kitajskaje, akramia ramy, jakuju vy tam zvaryli. A nam treba svajo. Pierš za ŭsio, batareja».